Entry tafatoetra (toetra)
Part of speech participle
Explanations in Malagasy  [Rajemisa 1985]
Explanations in French qui s'est placé, qui s'est assis [Abinal 1888]
Compound words, titles, names 
Examples Taona betsaka taoriana izany, nony efa tafatoetra tsara ny fanjaka' ny, dia nihevitra hamely ny tompon-tany izy. [Callet: Tantara, page 63]

Entry Tafatoetra
Part of speech name (poem title)
Author Razakandraina Jean Verdi Salomon
 
Tafatoetra ao am-poko miaraka aminao androany,
Ny hasambara-nokatsahiko hiononako eto an-tany!
Ny hatsaran-tarehy nohiraiko sy ny bika nokatsahiko
Tsy alaiko noho izay hitako aminao navahiko …

Sodokan’eritreritra aho izay elabe izay …
Hetahetan’ny tanteraka, afo mampiolomay
No nandoro ny fisainako! ‘zay nenjehiko kanefa
Moa tsy volavolam-bika tsy haharitra rehefa?

Fa ny hitako aminao dia ny vatosoa miafina;
Perla mamirapiratra, satry foana hotarafina
Fa mampita hazavana mampionona fanahy …

Tia ny endrikao aho, mamkamamy anao tanteraka;
Nefa mbola ambony lavitra, manan-kery haninteraka
Ny fanahy atolotrao hiara-tsambatra amin’ny ahy!
Vocabulary 
Tables and plates All the titles

Updated on 2020/07/31