Entry embona
Part of speech noun
Malagasy definition fahatsiarovana amin' alahelo olona na zavatra (toy ny tanàna na tany) noho ny fitiavana: Anisan' ny fihetseham-po mamelovelo so am-pony embona ny tanindrazana
Mitovy hevitra: hanina [Rajemisa 1985]
English definition sigh [Winterton: Rakibolana]
French definition regret
¶ soupir poussé en songeant à une personne ou à un objet chéri, absent ou perdu [Abinal 1888]
Examples 
1Hita mifaritra mazava ny azy ny embona. [Rajemisa: Fiteny 4, page 48]
2Tsy tana ny embona : " Vitsika momba kitay, hoy Jean Narivony, ka manimanina ny any aminay! [Ravelomanana: Lalana, page 64]
3Izay no voalohany nandehanan' ny sainy tany amin' i Sahondra, dia ohatra ny nisy embona nifangaro hatezerana nibosesika tao am-pony. [Andriamalala: Taolambalo, page 66]
Vocabulary 
Derivations 
Compound words, titles, names 

Entry embona
Part of speech noun
French definition  [Tankarana] flotter [David 1952 (takila E)]
Derivations 

Entry Embona
Part of speech name (poem title)
Author Razafindrafidy Bien-Aimé
 
Midona malefaka ery Ankaratra,
vaky tsipelana ny eny Anjafy.
Midona kanefa tsy fahavaratra,
fa erika kely no re mifafy.

Lanitra soa, tomarataratra,
otronin'ny rahona mitsitoko,
kanefa, ry lahy, iry Ankaratra
zary manjombona sy manjoko.

Ankaratra ô! nahoana kosa,
manembona ve ilay nisaraka,
ka ny tolokony miavosa
eo aminao no te-hiraraka?…

Raha manina izy ka mitomany,
lalim-pisento fa te-hiverina,
asaivo mitony hangina ihany
fa toraka izany'lay eto Imerina!

Ny sentom-pony raha tonga fatra
- ka indro mandrotika ny fanahy -
aoka hionona fa ny ratra
iombonako aminy lavitra ahy!

Tsy oram-baratra no midona, fa
fo feno hanina no miteny,
ka ny vetsom-panahiny kely foana
tsy sasa-mivezika sy manjeny.

Eny, ry rahona ery Ankaratra!
ry rahona fotsy iaraha-mijery,
meteza ianao mba ho fitaratra
hampita ny sarin'ilay miery.

Vaky tsipelana ve Anjafy
ka tsy hidoboka iry Ankaratra?
Raha izy misento ka mafimafy,
ny foko no toy ny latsaham-baratra!
Vocabulary 
Tables and plates All the titles

2018/10/24