|
|
|
|

Entry1  Ny Abidin' ny toaka
Part of speech  2  name (poem title) [Full list]
Elementary words  3  abi, toaka
Vocabulary  4  Literature: poems
Author  5  Rajaonary
Full text  6  Adala ny olona izay tia toaka
7  Adabok' ireny ny vola ka lany
8  Ataony ambody barika avy hatrany
9  Areti-mandoza no vokatr' izany

10  Bedain' ny sasany ilay tia toaka
11  Babon' ny Satana ny fony rehetra
12  Barika mandeha toa manjoretra
13  Baikoan' ny vola tsy misy fetra

14  Doran' ny sain' ilay tia toaka
15  Daka diamanga ireo mampijaly azy
16  Difotra ny ainy tsy vazivazy
17  Daroka sisa no mananatra azy

18  Efitrin' ny helo no fiainan' lay tia toaka
19  Eso, latsa no ravakin' ny androny
20  Efa lefy matroka izato masoandrony
21  Esorin' ny Satana ny kely manome ny heriny

22  Fasana no miandry an' ilay tia toaka
23  Fongana avokoa izay hany fananany
24  Fandrika miandry ny lalan-kalehany
25  Fonja manjohy ka mitady ny tenany

26  Godraka ny tenan' ilay tia toaka
27  Gaga ny olona mijery ny toetrany
28  Gidragidra lava no androm-piainany
29  Gaigy sy romotra no fomba fijeriny

30  Hetahatan' adala ny an' ilay tia toaka
31  Hevitra taingina no avoakan' ny vavany
32  Henatra baraka no mameno ny tenany
33  Hosoka halatra no fihetsiketsehany

34  Iza no mba havan' ilay tia toaka
35  Ireo mpidoroka, mpanamaoly no mba sakaizany
36  Ilaozan' ny maro fa kely ny sainy
37  Izy mety manam-pahaizana fa ny heviny ambany

38  Janga no lalan' ilay tia toaka
39  Jereny ny marina toa fahavalony
40  Jesoa halany ka tsy ankasitrahany
41  Jonon' ny Satana izy fa tena rembiny

42  Kilemaina, vatana, saina ilay tia toaka
43  Kamboty velona ireto taranany
44  Kitratraina ny vady aman-janany
45  Kamo be tenda no tena talentany

46  Lova ratsy no anjaran' ilay tia toaka
47  Lany ny harena noho ity fahadalany
48  Levona ny fanahy fa tsy ampy ny heriny
49  Lalan' ny helo no indro izorany

50  Mangozohozo ny tenan' ilay tia toaka
51  Mikainkona ny voa vokatr' izany
52  Matimaty foana ny vady aman-janany
53  Mijaly maloka no fiafaran' ny fiainany

54  Nahoana no manjombona ilay tia toaka
55  Nanafina ny tava noho izato ditrany
56  Natahotra sao hijinja ny vokany
57  Ny antson' i Jesoa tsy nasiany dikany

58  Ozona no miandry an' ilay tia toaka
59  Olona meloka ireto taranany
60  Ory misento ny androm-piainany
61  Omby mahia tsy lelafin' ny namany

62  Potika ny androm-piainan' ilay tia toaka
63  Potraka faona ka hopitaly no tranony
64  Pentina sisa no mamantatra ny tenany
65  Peratra saro-tavohangy no hany ravany

66  Rovitra akanjo no anjaran' ilay tia toaka
67  Ratsy fitafy izato vady aman-janany
68  Raiki-tahotra raha mahita ny tavany
69  Ratra, rangotra no valim-pananarany

70  Sempotra lava ilay tia toaka
71  Sady bila fandeha no mena ny masony
72  Safotra miakatra ambony ny tosidrany
73  Sahirana lava ka makanimakany

74  Taranaka mijaly ny an' ilay tia toaka
75  Tenany very ary koa izato hajany
76  Tapitra sy velona ny fahasambarany
77  Tranomaizina no toa mba anjarany

78  Voa mikainkona sisa ny an' ilay tia toaka
79  Vavaka adino ka toa tsy asiany dikany
80  Very haja ny tenany fa lany izato harenany
81  Vitsika mandady avy toa tsy matiny

82  Zara raha velona ity tia toaka
83  Zovy no manana fo mifora sabora
84  Zovy no mpangataka voa korakora
85  Zatovo naditra iny fony Tanora

Updated on 2025/09/13