|
|
|
 |
 |
| Entry | 1 Izy mirahavavy |
| Elementary words | 2 izy, 3 mirahavavy |
| Part of speech | 4 name (poem title) [Full list] |
| Vocabulary | 5 Literature: poems |
| Author |
6 Dox |
| Text |
7 [CR]...[CR]
8 Efa akaiky ny ririnina. Mifarana ny fararano.[CR] 9 Manodoka ny eritreritra ny lanitra manganohano.[CR] 10 Ny vodilanitra malefaka ilentehan'ny masoandro[CR] 11 Mivolombolom-batolalaka, mangarangarana handrohandro...[CR] 12 Momba ravinkazo mihintsana ny tora-bovoka, ary izany[CR] 13 Dia manetsika alahelo sy vetsovetso lozan-tany![CR] 14 Eo andavarangany eo Rahanta sy Rambolatiana,[CR] 15 Vonto izato takariva ka variana dia variana...[CR] 16 Harivam-pararano mantsy, mbola ahitana taratra,[CR] 17 Mampifoha ny lahataona, mampahatsiahy ny fahavaratra;[CR] 18 Nefa koa ahatsinjovana ny manga am-bodilanitra ory[CR] 19 Hiavian'ny ririnina tsy ho ela intsony akory...[CR] 20 Rahanta sy Rambolatiana indreo mangina fa variana![CR] 21 Mitovy anefa ny eritreriny sy ny vetsony mangina[CR] 22 Mitopy itsy volon-danitra, mijery izato tokotany[CR] 23 Misimisy ahatsiarovany ny fahatanorany lany...[CR] 24 Ny volon'andro tahaka izao manetsiketsika ny fony[CR] 25 Hiaina am-panahy ny nofiny tafatsahatra famony...[CR] 26 Tsy nofy akory, diso aho, tena nisy anefa lahy [CR] 27 Tsy niainany ara-nofo, tam-panahy dia tam-panahy!.[CR] 28 [CR] 29 Mpirahavavy kambana, hono, Rahanta sy Rambolatiana.[CR] 30 Hitanao mijery izany satria tapiny itoviana[CR] 31 Na ny bika na ny endrika na ny fihetsika madinika...[CR] 32 Hatramin'ny fitafy aza raha toa ianao mandinika [CR] 33 Dia hahita f'isan'andro dia tsy maintsy itoviany.[CR] 34 Angamba tapitra mitovy hatramin'izay zava-tiany![CR] 35 Tsy zazavavy intsony izy amin'izao fotoana izao[CR] 36 Fa mandia ny fahalehibeazana... Ho gaga ihany anefa ianao[CR] 37 Raha mijery azy miaraka tsy misaraka hatraiza,[CR] 38 Toa mpirahavavy kely, saiky tsy omban-tsakaiza,[CR] 39 Eny an-tsena, am-pivoriana, eny an-dalana, ao an-trano[CR] 40 Izy samy izy ihany no miaraka, tazano...[CR] 41 Izay mandalo harivariva eo anilan-tranony eo[CR] 42 Dia hamelovelo handre " piano " arahim-peo.[CR] 43 Mikalokalo harivariva Rahanta sy Rambolatiana.[CR] 44 Kalon'olon-diso nofy manakoako fahoriana![CR] 45 Zazavavy nanahoana tamin'ny fahatanorany[CR] 46 Ireo mpirahavavy ireo no dia tsontsa tahaka izany?[CR] 47 Raha ny bika sy ny endriny fehizany indray aloha [CR] 48 Dia azo vinanina marina fa dia fanaperan-tsoa![CR] 49 Izao lehibe izao izy mbola ahitana izany.[CR] 50 Mbola mahavariana fatratra, andriandriana ny hatsarany.[CR] 51 'Njay izy maorimaorina, vaventy fa malefadefaka[CR] 52 Ka ny soroka mahitsy havanambanana fipetraka.[CR] 53 Mihodi-bola lasa fotsy, avoavo tendron'orona,[CR] 54 Ngalingaly maso izay... Mampidera ny Mpamorona[CR] 55 Hatramin'ireo volon-dohany mitofatofa olioly.[CR] 56 Rofia mijoro mavamavana, endriky ny tanimboly![CR] 57 Ry zareo'ray tanàna raha toa ilana resaka [CR] 58 Dia hilaza f'izy ireo nisy naka vady betsaka,[CR] 59 Saingy asa fa nandà hatrany hatrany hatramin'izao...[CR] 60 Mba ahoana indrindra re? Eny, ahoana, hoy ianao?[CR] 61 Zanak'olo-mpanana, hono, Rahanta sy Rambolatiana.[CR] 62 Tsy zoky, tsy zandry... Izy ihany ka dia tapi-java-tiana.[CR] 63 Nataon'ny rainy sy ny reniny kindriandriana sy lalao.[CR] 64 Nampihantaina ka nomena izao tiany rehetra izao! ,[CR] 65 Hatrizay fahakeliny tsy misaraka tokoa.[CR] 66 'Ray lalao'ray fitafy,'ray fandriana,'ray fo![CR] 67 Raha kasihina ny iray dia ny iray no tomany.[CR] 68 Niombon-javatra nanjo ary niombon-java-mamy.[CR] 69 Voninkazo indray mamony, mitovy hanitra sy felana.[CR] 70 Nony fe-ho tovovavy, indro miara fanaperana.[CR] 71 Iray faharadondradona ary iray hatasitasy.[CR] 72 Miombona fisoritra endrika, indray somary kasikasy [CR] 73 Amin'ireto voamaso andriandriana fibaliaka[CR] 74 Ary ireo laingo-molotra tia tsiky sy hehy sariaka...[CR] 75 Ny fitoviana ara-po, ara-tsaina, ara-toetra[CR] 76 Moa tsy miharihary marina amin'izay ataony rehetra![CR] 77 Ary hita ihany koa amin'ny fomba anehoany [CR] 78 Ny fitiany sy fitsarany izay rehetra anoloany[CR] 79 Fa moa va tsy mitovy hatramin'izay boky tiany?[CR] 80 Rehefa indray mamaky izy, aiza izany fifaliany![CR] 81 ....[CR] 82 Amin'ny andraisantsika ny tantarany eto ity[CR] 83 Dia diaviny ny taona famontsinan'ny Fitia...[CR] 84 Taonam-betsovetso mamy... taona itiavam-bazo,[CR] 85 Itiavana masoandro, lanitra sy voninkazo...[CR] 86 Taona feno nofinofy ho an'ny fo vao hifoha[CR] 87 Iandrandrana hasambarana hampientana ny fo![CR] 88 ....[CR] 89 Misy poety iray tiany, tiany, tena tiany indrindra [CR] 90 Tiany vetso, tiany vazo, tiany fo, tiany rindra.[CR] 91 Mila ho hainy tsianjery amin'ny poeziny rehetra...[CR] 92 Tsy mbola hitany tarehy nefa omeny toetoetra[CR] 93 Mifanaraka amin'ny vetsony. Aloalo tonga tiana![CR] 94 Eo amolotr'izy roa ny anarana indrany hoe " Riana " ...[CR] 95 Poety vao miandoha fantatra... antenaina ho lasa marina![CR] 96 Mba ianaran'izy roa ianaranarana takarina...[CR] 97 ....[CR] 98 Io harivariva io, Rahanta sy Rambolatiana[CR] 99 Indreo maka toera-mora ka variana dia variana[CR] 100 Mamaky ity gazety iray ao anatin'ny sale.[CR] 101 Toa ny poezin'ny Riana k'ifandrombahany, endrey![CR] 102 Miara-mihetsika ny molony manonona ny teny mamy.[CR] 103 Indray mientana ny fony ka midoboka aok' izany.[CR] 104 Tsy tanany ho malemilemy ny feony teo am-pamakiana[CR] 105 Ary tsy hitany aza manko fa indro olona variana [CR] 106 Niato tamin'ny diany tampoka nandre izany feo izany...[CR] 107 Ka niampify ivohon'ny ravina hiery azy avy hatrany.[CR] 108 ....[CR] 109 Indro izao ny tononkalo indray vakin'izy roa,[CR] 110 Eny, indray hirainy mihitsy amim-pientanam-po:[CR] 111 " Ny diavolanao mba aiza no tiana holanina?[CR] 112 Eo an-tobin'ny zatovo mampiady hira va?[CR] 113 Sa an-tanim-boninkazo miaraka amin'olon-tiana?[CR] 114 Sa mangina samy irery eny an-tsisintsisin-tsaha " ?[CR] 115 Eo an-tenatenany eo... , taitra, ankona izy roa,[CR] 116 Injay misy feo reny, feo ahovitry ny fo [CR] 117 Nanohy ny poezy vakiny... Tsy hitany hoe " avy aiza " anefa.[CR] 118 Reny fotsiny amin'izao, mandrotsirotsy fiantefa:[CR] 119 " Mety hafana fo ianao ka hamonjy famoloana.[CR] 120 Hiara-mihira amin'ireo mitovy taona aminao...[CR] 121 Mety hangetaheta tiana ka handeha mifamotoana[CR] 122 Eny an-tanim-boninkazo amin'izay malalanao![CR] 123 Mety hoentin'alahelo ka mamonjy moron-drano[CR] 124 Hanjono am-paravodirano volana manganohano...[CR] 125 Varian-tara-manga eo am-poto-kazomalahelo![CR] 126 Ny diavolana zatovo dia diavolana korana.[CR] 127 Ny an'ny mpifankatia dia diavolam-pihantana...[CR] 128 Ny an'izay singan-drery dia diavolan'alahelo...".[CR] 129 Tapitra eo ny tonon-kira... Niato koa ilay feo mamy...[CR] 130 Vao mainka ankona izy roa! lo nipoitra avy hatrany[CR] 131 'Lay nanonona azy niery: tovolahy bikana fatratra![CR] 132 Vao mainka hagagany loatra satria olona tsy fantratra![CR] 133 ....[CR] 134 Zarazara izay izy, mazavazava fihodirana.[CR] 135 Olioly, avo handrina, mahiratriratra ka mirana...[CR] 136 Tsy nahahetsika izy roa... Efa niala satroka izy[CR] 137 Vao indreo taitaitra, dia nitsoriaka toa ankizy.[CR] 138 ....[CR] 139 Io alinalina io, eo Raherilantosoa[CR] 140 Mandany vetsovetso irery amin'ny diavolan-tsoa[CR] 141 Izay toa mandrotsirotsy ny zaridaina fararano[CR] 142 Amin-taratra, oriory, manga sy manganohano.[CR] 143 Lasa ery ny eritreriny amin'ny endriky ny Volana [CR] 144 Eo anelanelan-taho... Ny fitiany tsy mivolana[CR] 145 Moa tsy tahaka an'iny koa? Madio ka mangarangarana[CR] 146 Nefa mbola tsy voatsapany ho miteraka hasambarana.[CR] 147 Manana endrika sariaka, nefa indrisy mangatsiaka,[CR] 148 Fitia an'eritreritra ihany, oriory fibaliaka.[CR] 149 Ny fitiany tsy mivolana? Iza anefa moa no tiany[CR] 150 Amin'ireo domohina kambana? Ny endrika amam-pitsikiany[CR] 151 Tsy tapitra mitovy va ka tsy misy hafa akory?...[CR] 152 Toy ny volana mitaha amin'ny tarany an-kamory![CR] 153 Ny fitiany tsy mivolana... Hivolana hanahoana anefa?[CR] 154 Voninkazo roa mitovy: ny fony aiza no hiantefa?[CR] 155 Samy mampientana azy ka tsy misy iray tsaroany[CR] 156 Ho mamabo azy mihoatra. Ts'isy azony fidina[CR] 157 Ka haborany amin'iza ity fitiavany mangina?.[CR] 158 ....[CR] 159 Lasa loatra ny eritreriny, lasa loatra ny vinaniny[CR] 160 'Nay iny volana iny hanatona azy ety an-taniny.[CR] 161 Zavavy soa mangatsohatso... 'Nay ho tokana hoatr'iny[CR] 162 Tsy hanahirana ny fony ny homeny ny fitiany!.[CR] 163 Kinanjo vetivety eo, nofy sa tena marina?[CR] 164 Moa nidina ny volana? Fotsy toy ny ampakarina [CR] 165 Indro manoloana azy " bika sy endrika malalany " ![CR] 166 Jambena izy, eny, safotra... nihovitra ny fo adalany![CR] 167 Dia indreo nifampitopy maso roa manganohano,[CR] 168 Mamirapiratra fitia, toy ny dobon-doharano...[CR] 169 Toy ny nofy: io Rahery fa nandray moramora [CR] 170 Ka namihina torovana'reo sandry roa bakora...[CR] 171 Dia nibanjina... nibanjina... Nanjenitra Razazavavy[CR] 172 Fararanom-pahanginana. Indro ts'isy teny avy.[CR] 173 Ny fanahy no miresaka... Inoana ny ifankahazoany ![CR] 174 Tafandohalika Rahery fa navesatra ny fony!...[CR] 175 Be loatra ny hasambarany... Mamy koa raha mamy[CR] 176 Tsy mbola nisy tamin'ny fiainany fifaliana hoatra izany...[CR] 177 Moa ny volana no nidina hanambitamby azy ety?[CR] 178 Sa izy no nanidina fa nentanin'ny Fitia?[CR] 179 Tsy tsaroany n'aiza n'aiza no nisy azy tamin'izany.[CR] 180 Olombelona izy va sa afaka amin'ny tany?[CR] 181 Nangoraka izy dia nivaha ireo sandriny nangia...[CR] 182 Niaraka amin'izay nanidina ilay zavavin'ny Fitia![CR] 183 Nielatra ny akanjo fotsiny mangatsohatso tara-bolana.[CR] 184 Badenina Razazalahy... . . ankona tsy nahavolana.[CR] 185 Indro izao Raherilanto amin'ny fo, fanahy sy sainy[CR] 186 Fa mibanjina'lay tokana izay niloka holalainy...[CR] 187 Tokana tsy mbola fantany amin'izy roa vavy,[CR] 188 Nefa hitany fa tia ka ninoany foana ho avy[CR] 189 Amin'ny toerana nihaonany iny omaly hariva iny...[CR] 190 Nohamasininy am-boady tokoa ny fitiany![CR] 191 Koa satria noheveriny ho zava-dehibe izany[CR] 192 Dia notanany ny daty hotsarovany hatrany...[CR] 193 Daty iray amin'ny fiainany, mitari-dalana ny anjarany[CR] 194 Ary daty niposahan'ny masoandrom-pahasambarany.[CR] 195 ....[CR] 196 Naka saina koa izy ka nihevitra ny hatao:[CR] 197 " Aoka ho mendrika, hoy izy,'zay kasaiko hatramin' izao ".[CR] 198 Nifohafoha ny eritreriny dia injao tsaroany koa[CR] 199 F'isaky ny fandalovany, indray miseho izy roa ...[CR] 200 Sao dia miara-tia àry, hoy ny ahiahin-tsainy[CR] 201 Ka hitarika korontana amin'ity fitia lalainy...[CR] 202 Raha izany dia tsy tsara ny handalovany intsony.[CR] 203 Efa hita sady tapaka ny lalana homban'ny fony[CR] 204 Ka handiso fanantenana ny ankiray foana izany;[CR] 205 Dia nanapa-kevitra izy fa ny takariva ihany [CR] 206 Ao anatin'ny sale no iandrasany'lay tiany.[CR] 207 Moa va re dia tsy ho to araka ny faniriany?[CR] 208 Ny fihaonana omaly, dia tena maotina, madio[CR] 209 Tsy hanan-tahotra'lay tiany fa ho avy koa anio![CR] 210 Moa va tsy iombonany izato hetaheta am-po [CR] 211 Sy faniriana am-panahy ka ny faniriany ho to?[CR] 212 ....[CR] 213 Tsy nandalo teo Rahery ny tontolo andro iny...[CR] 214 Rahanta koa dia tsy namboraka ny takarivan'ny fitiany[CR] 215 Ho fantatr'i Rambolatiana. Hokoboniny mangina[CR] 216 Hitohy tsy fantatr'iza izany na oviana na oviana.[CR] 217 Mitandrin-toetra fatratra izy tsy haneho ny toe-pony[CR] 218 Dia nivonona tokoa tsy hanindroa ny omaly intsony.[CR] 219 Namorona lahasa foana no nataony hanary dia[CR] 220 Ny fo, fanahiny sy sainy ianjadian'ny fitia...[CR] 221 Aviliny amin-java-maro ny eritreriny ho variana[CR] 222 Tsy hiangona hifantoka amin'ila' y tarehy tiany![CR] 223 Mivavaka izy hampiala ny ahiahy anatiny ao,[CR] 224 Ho tongany aiza ka hatraiza izao kirim-pony izao?[CR] 225 Moa va handresy fa hery lehibe inoany[CR] 226 Hanohana azy hatrany hatrany ny voninahiny tandroany![CR] 227 ....[CR] 228 Mbola nofinofy fotsiny, eny, am-betsovetso ihany[CR] 229 No anakaran'i Rambola izany hoe fitia izany.[CR] 230 Tsy mbola tsapany mivaingana fa manjavozavo ao,[CR] 231 Inoany anefa fa miteraka fiainana hafa, vaovao.[CR] 232 Tantara, hira, poezy maneho fitia no tsaroany[CR] 233 Mamohafoha ny fisainany sy fanahiny sy fony...[CR] 234 Andaniany eritreritra izay mba takatakany aminy![CR] 235 Mahaliana azy ery ny hahatsapa ny hamaminy...[CR] 236 Fa mamy, hono, izy izany, loharanom-pifaliana[CR] 237 Ary foto-pahasambarana rehefa tojo fitahiana,[CR] 238 Ilain'ny fo sy fanahy toy ny rano velona aminy![CR] 239 Fahazavan'ny eritreritra, voninkazony ka maminy![CR] 240 Amin'ny toa izany izy no mitranga amin'ny fiainany[CR] 241 Ny endrika mirindra indrindra amin'ny vetso amam-pisainany.[CR] 242 Hatramin'izao ny tarehy nandalo azy rehetra rehetra[CR] 243 Tsy namohafoha azy fa nandalo tsy nitoetra...[CR] 244 Niseho Riana na Rahery araky ny fantatsika[CR] 245 Dia inay ilay nofinofy fa namelana baliaka[CR] 246 Ka nameno hazavana ny fanahiny sy fony:[CR] 247 Moa tsy voninkazo anaty ny fitiavana mamony![CR] 248 Ihiran-dRambola ny fitiavany ny zava-boahary rehetra izao,[CR] 249 Ahitany fifaliana sy hazavana vaovao![CR] 250 ....[CR] 251 Tsy nandalo teo androany Raherilanto, asa lahy![CR] 252 Nangaihay ery Rambola, valabalaka am-panahy[CR] 253 Moa tsy zavatra nataony ho tena antom-pifaliana[CR] 254 Ny fahitana ny andalovan'ilay notiaviny mangina?[CR] 255 Diso izany izy androany ka tsaroany dia tsaroany[CR] 256 Ho banga taminy ny andro, nangentangentana ny fony...[CR] 257 Ka vao mainka koa ny embona mpahazo azy nihanahery,[CR] 258 Ny diavolana tsy andriny sao mba mahaverivery...[CR] 259 Alin-kely hatrany an-danitra mihamazava hatrany hatrany[CR] 260 Rambola irery no indro hitsinjo ny hiposahan'ny volana any.[CR] 261 Efa maizin-takariva. Tsy hitany fa ts'izy irery[CR] 262 No ao anatin'ny sale... Misy hafa koa miery[CR] 263 Ao anatin'ny lobolobon'ny garana midoroboka [CR] 264 Ary efa niandry teo amim-po midobodoboka.[CR] 265 Tsy iza io fa Rahery... (Nony reny nisy avy[CR] 266 Dia niafina izy aloha)... Niditra Razazavavy[CR] 267 Dia nitehina variana tamin'ny fefin'ny sale[CR] 268 Ary toa mametsovetso sy lasam-borona endrey!...[CR] 269 .....[CR] 270 Tonga aloha Raherilanto fa tsy tahaka ny omaly[CR] 271 Satria nentanim-po maika, sady dodona no faly...[CR] 272 Dia nipoitra moramora ny volana; ary tamin'izany[CR] 273 Inao feo mihirahira manonona ny teny mamy.[CR] 274 Ankona Rambolatiana, tsy nahahetsika intsony,[CR] 275 Nientanentana indray ny fanahiny sy fony...[CR] 276 Hoy'ilay tonom-peo fantany mandrotsirotsy toa mozika[CR] 277 Miaraka amin'ny fisandratry ny volana baliaka;[CR] 278 [CR] 279 " Nde hiaraka hijery ny volana hipoitra any[CR] 280 Amin'ny ora mahafeno alahelo ny éto an-tany;[CR] 281 Raha mitovy fo amiko ianao, ry zanak'olona,[CR] 282 Ndeha isika hiara-hitsinjo ny fiposaky ny volana![CR] 283 [CR] 284 " Mangamanga volon-tsetroka izao ny habakabatsika.[CR] 285 Raha toa mitovy volo tokoa ny nofinofintsika,[CR] 286 Dia hiaraka hianoka amin'ny taratra voalohany:[CR] 287 Zazavavy soa loatra ny volana amin'ny volon-dohany![CR] 288 [CR] 289 " Mba jereo ny farihy itarafany mangina.[CR] 290 Moa mientana ianao, ory sa am-pifaliana[CR] 291 Eo am-pijerena izany? Tiako ho fantatra tokoa![CR] 292 [CR] 293 " Izaho kosa dia mivetso endrika efa nolalaiko.[CR] 294 Volana ao anaty rano! Moa ny endrikao, ry Aiko,[CR] 295 Tsy mitaratra ao am-poko toy ny volana eroa " ?[CR][CR] 296 ....[CR] 297 " Fa fitiavako ianao, fifaliako, fahasambarako,[CR] 298 Vahatr'aina, tanjon-tokana, eny tokana ifaharako...[CR] 299 Ametrahako ny androko, ny fo, fanahy sy fisainako,[CR] 300 Aminao no miantomboka ka mifarana ny fiainako![CR] 301 [CR] 302 " Fa fitiavako ianao, ... eritreritro, fanahiko;[CR] 303 Tsy hisaraka amiko, eny, n'aiza n'aiza tany hitsahiko,[CR] 304 Tompon'ny safidim-poko, manapaka ny momba ahy,[CR] 305 Anjely hiambina ahy hatrany raha izaho alaim-panahy:[CR] 306 [CR] 307 " Fa fitiavako ianao, eny tena fitiavako,[CR] 308 Hira ao am-poko izany ka nasandratro eo am-bavako,[CR] 309 Hira mamiko indrindra, ô ka hirako hatrany![CR] 310 [CR] 311 " Fa fitiavako ianao, e fitiavako madio,[CR] 312 Hoy ny teny fivoadiana atolotro anao anio:[CR] 313 Ho fitiavako ianao, mandra-podiko ho tany...".[CR] 314 ....[CR] 315 Io tolakandro io Rahanta, raha teo an-jaridaina,[CR] 316 Namboamboatra voninkazo dia mba lasalasa saina[CR] 317 Asa asa fotsiny eo izay namohafoha ny fony,[CR] 318 Tsy nataony hotsahivina nefa indro lahy tsaroany[CR] 319 F'iray volana androtr'io iny diavolana iny![CR] 320 Tafafoha indray ka nihovitra tao anaty ny fitiany![CR] 321 Ataony ahoana!... Ataony ahoana ny vetsovetso miolomay?[CR] 322 Indro izy fa nisokitra amin'ny vodihazo iray[CR] 323 Ny daty vao tsaroany eo ary mbola hotsaroany...[CR] 324 Daty nampifoha azy tamin'ny torimasom-pony![CR] 325 ....[CR] 326 Fararano fenomanana manganohano sady tony...[CR] 327 Rahery, Rambola indreo mampianoka ny fony[CR] 328 Eo am-bodihazo iray... Efa misy azy ery![CR] 329 Sambatra tokoa manko, safononoka fitia!...[CR] 330 ...[CR] 331 Io no tiany fidoroboka amin'ny hazo rehetra eo.[CR] 332 ( Teo koa Rahanta irery no variana anikeheo...)[CR] 333 Finaritra Rambolatiana maneho fitia tsy hita intsony[CR] 334 Tomaratra amin'ny endriny ny hasambarana ao am-pony;[CR] 335 Mijery azy ampamiratin'ny fanahim-pifaliana [CR] 336 Raherilanto ka finaritra sy sond.riana dia sondriana.[CR] 337 Niomanany mialoha ny handronjina am-panahy[CR] 338 Sy am-po'ty olon-tiany hifohafoha ka hahatsiahy[CR] 339 Ny datin'andro izay nihaonany voalohany hoatr'izao...[CR] 340 Androtr'io, hono, izany vao'ray vola-mitatao...[CR] 341 Daty efa nohamasininy fa niorenan'ny fitiany,[CR] 342 Tiany hajoro ho tadidy dieny fe-ankehitriny.[CR] 343 Nataony ity Rambolatiana hahatsiaro, kanjo... asa,[CR] 344 Sondriana dia sondriana angaha ka tsy miherika ny lasa...[CR] 345 Indro izy fenofeno hampahatsiahy'ty olon-tiana:[CR] 346 " Mba tsy hohadinoinao na oviana na oviana[CR] 347 Dia sokiriko eto anio sy ao anatin'ny fonao[CR] 348 Ny datin'andro nanorenako ny fitiavako aminao... ".[CR] 349 Ndeha hisikotra azy manko nefa ankona nahita[CR] 350 Fa ny zavatra nokasainy indro zavatra efa vita...[CR] 351 Nofihininy Rambola ka tsy gagagaga moa![CR] 352 Nientana izy: " Hay, hoy izy, efa vitanao mialoha " ?[CR] 353 Vao mainka gaga koa Rambola noho izy tsy nanao [CR] 354 Io sikotra eo io, sady izay tsy mitatao[CR] 355 Ho'ray volana tanteraka raha tsy ny ampitso koa [CR] 356 Ny nihaonana voalohany nanolorana ny fo...[CR] 357 Ary ho porofo aza fa tsaroany tsisy very[CR] 358 'Reo teny tamin'izay dia voaveriny tsianjery...[CR] 359 Teo dia safotra Rahery nahatakatra avy hatrany.[CR] 360 Fanina izy... nihodina aminy ny habakabaka aman-tany [CR] 361 Miharihary izao ny marina ka mivaingana ao an-dohany:[CR] 362 Tsy Rambola hay akory'lay nihaonany voalohany[CR] 363 Ka nataony hanorenana ny fitiavany tokoa [CR] 364 Araka ny voady masina nianianany tam-po![CR] 365 Indro velona an-tsainy ny lalan'ny fitia nodiaviny:[CR] 366 Rahanta no namoha ny fony ka Rambola ity no tiaviny,[CR][CR] 367 Fa tiany izao Rambolatiana, tiany koa raha tiany,[CR] 368 Zary anton'ny fiainany ary hany fifaliany...[CR] 369 ....[CR] 370 Fitiavana efa tsy tanteraka nefa andraindrain-doria?[CR] 371 Asa izay filaza izany: hadalana? sanatria![CR] 372 'zaho kosa dia milaza fa fitia tsaroana indrindra[CR] 373 ny fitiavana tsy to, tsy mba afaka nirindra...[CR] 374 [CR] 375 Eo an-davarangany eo Rahanta sy Rambolatiana,[CR] 376 Vonto izato takariva ka variana dia variana.[CR] 377 Harivarivam-pararano manko mbola ahitana taratra [CR] 378 Mampifoha ny lohataona, mampahatsiahy ny fahavaratra[CR] 379 Nefa koa ahatsinjovana ny manga am-bodilanitra ory[CR] 380 Hiavian'ny ririnina tsy ho ela intsony akory.[CR] 381 Rahanta sy Rambolatiana indreo mangina fa variana...[CR] 382 Mitovy anefa ny eritreriny sy ny vetsony mangina [CR] 383 Mitopy itsy volon-danitra, mijery izato tokotan[CR] 384 Misimisy ahatsiarovany ny fahatanorany lany...[CR] 385 Ny volon'andro tahaka izao manetsiketsika ny fony[CR] 386 Hiaina am-panahy ny nofiny, tafatsahatra famony...[CR] 387 Tsy nofy akory, diso aho, tena nisy nefa lahy...[CR] 388 Tsy niainany ara-nofo, tam-panahy dia tam-panahy.[CR] 389 [CR] 390 Izay mandalo harivariva eo anilan-tranony eo[CR] 391 Dia mamelovelo handre " piano " arahim-peo[CR] 392 Mikalokalo harivariva Rahanta sy Rambolatiana,[CR] 393 Kalon'olon-diso nofy manakoako fahoriana![CR] 394 Zazavavy nanahoana tamin'ny fahatanorany[CR] 395 Ireo mpirahavavy ireo no dia tsontsa tahaka izany?...[CR] |
| Updated on 2025/11/13 |
|